Bota
Ligjvënësit amerikanë kërkojnë ndryshimin e një ligji për luftën
Rritja e tensioneve në mes të Shteteve të Bashkuara dhe Iranit ka nxitur disa ligjvënës demokratë dhe republikanë që të bëjnë thirrje për anulim të ligjit që presidentët kanë përdorur për dy dekada kur kanë justifikuar aksionin e ushtrisë amerikane në gjithë botën, transmeton agjencia e lajmeve, Reuters.
Demokratja, Barbara Lee dhe republikani, Thomas Massie, kanë thënë në një konferencë për media bashkë me pjesëtarë tjerë të Dhomës së Përfaqësuesve se kërkojnë pezullimin e ligjit që autorizon përdorimin e forcës ushtarake.
Ky ligj është miratuar disa ditë pas sulmeve të 11 shtatorit të vitit 2001 në Shtetet e Bashkuara.
Si pasojë e këtij sulmi terrorist kanë humbur jetën rreth 3,000 persona.
Ligjvënësit kanë thënë se pas gati 18 vjetëve është koha që Kongresi të zëvendësojë këtë ligj, duke thënë se është shumë i përgjithshëm dhe nuk duhet përdorur për të arsyetuar luftën me Iranin, shkruan REL, përcjell Albinfo.ch.
Uashingtoni dhe Teherani kanë përshkallëzuar retorikën e tyre ndaj njëri-tjetrit, pas vendimit të presidentit amerikan, Donald Trump që synon të dërgojë në zero eksportet e naftës së Iranit, si dhe pas shtimit të prezencës së pajisjeve ushtarake amerikane në Gjirin Persik, në përgjigje që asaj që SHBA-ja ka konsideruar si kërcënime nga Teherani.
Ligjvënësit amerikanë kanë shprehur frikën se Trump mund të urdhërojë nisjen e sulmeve ndaj Iranit.
Mirëpo zyrtarët e lartë të administratës së Trumpit kanë tentuar të ulin nivelin e këtyre shqetësimeve të martën, duke u dhënë atyre informacioneve për këtë çështje.
Të ngjashme
Të tjera nga Bota
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Dr. Cristiana Lucchetti: Shqipja, gjuha më e rëndësishme e origjinës në Zvicër
-
Mërgimtarët hasin në probleme gjatë regjistrimit të popullsisë, ReKos 2024
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri