Futboll
Leverkusen përgatitet për festë; Xhaka, lider i “Aspirinave”
Bayer është i pari me 76 pikë, ndërsa Bayern dhe Stuttgart ndajnë vendin e dytë me 60 pikë
Pas humbjes së Bayern Munichut nga Heidenheim dhe pas fitores së Bayer Leverkusenit si mysafir në Berlin, me gjashtë xhiro nga fundi, “Aspirinët” kanë 16 pikë epërsi ndaj bavarezëve.
Bayer është i pari me 76 pikë, ndërsa Bayern dhe Stuttgart ndajnë vendin e dytë me 60 pikë, transmeton albinfo.ch.
Kjo do të thotë se skuadra e Xabi Alonso mund të kurorëzohet matematikisht kampione të dielën, gjithçka që duhet të bëjnë është të mposhtin Werder Bremen në “Bay Arena” para tifozëve të tyre.
Leverkusen ende mund të kurorëzohet kampion të shtunën pasdite, por atëherë ata do të kenë nevojë që Bayern të humbasë në shtëpi ndaj Kolnit dhe Stuttgart të humbasë në shtëpi me Frankfurt.
Dhe, sigurisht që të dielën e 14 prillit qyteti i Leverkusenit do të marrë flakë, të gjithë po përgatiten të festojnë rastin e fitimit të titullit të parë në historinë e klubit.
Një nga lojtarët kryesorë ka qenë Granit Xhaka.
31-vjeçari deri në këtë pikë të sezon ka dhënë 2 638 pasime të sakta ndaj 2 859 që ka provuar, me një nivel suksesi mbi 92%, e jo më kot, e përditshmja prestigjioze madrilene, “Marca”, shkruan se “nxënësi e kaloi mësuesin”.
Kjo sepse, trajneri i tij, Xabi Alonso, pati 2 470 pasime të sakta nga 2 740, duke vendosur rekordin e kohës, megjithatë Xhaka e ka lënë pas, dhe madje në vetëm 27 javë, duke u bërë kështu pjesë e skuadrës historike të Leverkusenit, pasi titulli në Bundesliga është praktikisht i fituar, ekipi është në finalen e Kupës së Gjermanisë dhe në çerekfinale të Europa League.
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta “Objeksionet e paraburgimit si ato që Danimarka po planifikon në Kosovë janë gjithashtu pjesë e planit...
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme