Sot në Gjenevë: debat mbi Dejtonin, 20 vjet pas

Albinfo.ch dhe Sept.info organizojnë dy debate mbi temën e Ballkanit, 20 vjet pas Marrëveshjes së Dejtonit. Tryeza e dytë do të mbahet sot në Klubin e shtypit zviceran në Gjenevë (Club de presse suisse) me 9 nëntor 2015 në ora 14:00. Pjesëmarrësit në këtë tryezë janë personalitete të botës akademike, diplomatike, dhe politike zvicerane.

Çfarë përshkrimi të përgjithshëm mund të bëjmë për Ballkanin dy dekada pas nënshkrimit të marrëveshjes së Dejtonit? Cila është situata në aspektin e paqësimit dhe konsolidimit politik dhe institucional e shteteve të krijuar nga shpërbërja e ish-Jugosllavisë? Cilat janë perspektivat evropiane për Ballkanin?

Partnerët tjerë të këtyre manifestimeve janë Universiteti i Friburgut dhe Klubi i shtypit zviceran. Hyrja është e hapur dhe falas.