LDK-ja merr vendim “për” pjesëmarrjen në vazhdimin e seancës konstituive

Lidhja Demokratike e Kosovës ka vendosur që të qëndrojë në seancën e thirrur më 9 shtator, ka deklaruar deputetja e këtij subjekti politik Jehona Lushaku, pas mbledhjes së Grupit Parlamentar.

Ajo ka thënë se vendimin për pjesmarrje në vazhdimin e seancës konstituive të Kuvendit të Kosovës e kanë marrë si grup.

“Vendosëm si grup që të marrim pjesë në seancën konstituive të Kuvendit të Kosovës dhe t’i kontribuojmë konstituimit të Kuvendit meqë Kosova është në një fazë të rëndësishme për themelimin e institucioneve dhe funksionalitetin e saj prandaj ne kemi bërë thirrje që të konstituohet Kuvendi sa më parë të jetë e mundshme dhe institucioneve t’u kthehet funksionaliteti i tyre. Prandaj kemi vendosur që të marrim pjesë në seancë dhe të japim kontributin tonë për t’i dhënë institucione Kosovës”, ka deklaruar ajo, transmeton albinfo.ch.

Deputetja Doarsa Kica – Xhelili para mbledhjes ka thënë se për të nuk hapësirë të marrë pjesë  në një seancë që ka kaluar çdo afat kushtetues, teksa u shpreh se është e hapur për t’i dëgjuar kolegët nga Grupi Parlamentar.