Lajm i mirë: Kosova sërish pjesë e “Defender Europe”

Kosova do të jetë sërish pjesë e ushtrimit ndërkombëtar të ushtrive, “Defender Europe”.

Kjo është konfirmuar nga Ministria e Mbrojtjes, përcjell albinfo.ch.

“Po, Kosova do të jetë sërish nikoqire e Defender Europe, që do të organizohet në vitin 2025. Ndërsa sa për sqarimin tuaj të gjitha objektivat e FSK në Defender Europe 2023 janë përmbushur, i vetmi aktivitet që ishte anuluar vitin e kaluar në këtë ushtrim ka qenë DV DAY, dita kur para vizitorëve të shquar do të bëhej ekzekutimi praktik i ushtrimit si rikapitullim i të gjitha aktiviteteve që ishin realizuar gjatë gjithë ditëve të ushtrimit”, thanë nga ministria e Mbrojtjes.

Kujtojmë se vitin e kaluar, Kosovës i ishte ndalur në gjysmë “Defender Europe 2023” si rrjedhojë e masave nga SHBA-të ndaj Kosovës pas tensioneve në veri.