Dr.Laidon Shapo, specialist, në Britani: Vera tjetër do të jetë ndryshe

Wyron A Avatar of user Wyron A Wyron A @wyron @wyron

Dr. Laidon Shapo, specialist i Shëndetit Publik në Britaninë e Madhe, tregon për masat e fundit të marra në vendin ku ai punon, përcjell albinfo.ch.

Me futjen e vendit në karantinë për 1 muaj, rezultatet kanë qenë shumë të mira në uljen e nivelit të infeksionit.

Po ashtu, Shapo tha se karantina jep efekte brenda 7-10 ditësh, por këtu një rol vendimtar kanë njerëzit me solidaritet dhe respektim të masave.

Ai shpjegoi se si është menduar të bëhet vaksinimi i gjerë i popullatës në Britaninë e Madhe, i pari vend që nis zyrtarisht vaksinimin ndaj COVID-19 me anë të vaksinës Pfizer.

“Imuniteti i tufës, falë vaksinës, mendohet të arrihet brenda pranverës dhe vera tjetër do të jetë ndryshe”, shpjegoi mjeku Shapo.

“800 mijë doza të vaksinës do të shpërndahen nga data 7 dhjetor e do të bëhen 4 mln gjatë dimrit, kur do të fillojë një vaksinim në masë të gjerë i popullsisë. Vaksina e ‘Pfizer’ është e vështirë të mbahet për shkak të temperaturës së ulët, ndaj kjo vaksinë do të çohet fillimisht në spital, më tej tek shtëpitë e të moshuarve dhe tek kategori të tjera”, shprehet ai. /Albinfo.ch