Lady Gaga nuk pranon të këndojë me Madonën

Kohëve të fundit, ka pasur mjaft tensione në mes të Lady Gaga dhe Madonna. Në të vërtetë, këngëtarja Lady Gaga ka refuzuar ftesën e Madonnes për të kënduar në skenë me të.

Mbretëresha e popit, Madonna, së cilës albumet dhe biletat e koncerteve po i shiten gjithnjë e më dobët, u përpoq që të rikthente lavdinë e saj të dikurshme duke u shoqëruar me Lady Gagan. Megjithatë, këngëtarja e cila është aktualisht në kulmin e popullaritetit, ka refuzuar kërkesën e saj.

Madonna, në koncertin e Minnesotës, iu ankua fansave se Gaga ka refuzuar të performojë me të. Arsyeja, me sa duket, qëndron në faktin se kohë më parë Madonna e quajti Gagën kopje të saj.

“Kam ftuar Lady Gagan që të këndoj me mua, por ajo refuzoi. Kjo është në rregull, më kanë refuzuar edhe më parë, këto gjëra vetëm më ndihmojnë që karakteri im të jetë edhe më i fortë,” tha Madonna.

Elton John, një mik i madh i Lady Gaga-së, por sidomos armik i madh i Madonës ka reaguar me tërbim ndaj deklaratave të kësaj të fundit: “Karriera e saj është duke marrë fund. Turneja e saj ishte një disfat, ajo nuk do të kishte mundur të bëje më keq”’.