Futboll

Ky është topi zyrtar për ndeshjet e Kampionatit Evropian “Gjermani 2024”

E mërkurë, 15 Nëntor 2023 - 14:30 albinfo.ch
twiter

Organi drejtues i futbollit evropian, UEFA, zbuloi topin zyrtar të ndeshjes që do të përdoret gjatë Euro 2024, përcjell albinfo.ch.

”Në një event të veçantë përpara stadiumit olimpik të Berlinit, i cili do të presë finalen e turneut, FUSSBALLLIEBE, që në gjermanisht do të thotë ‘dashuria për futbollin’, u prezantua me një dizajn të frymëzuar nga gëzimi i futbollit dhe energjia e turneut”, deklaroi UEFA.

Topi është kryesisht i bardhë, me skaje, kthesa dhe pika me ngjyra.

Ilustrimet e secilit prej stadiumeve të turneut shfaqen gjithashtu në top, së bashku me emrin e çdo qyteti pritës.

‘FUSSBALLLIEBE po shfaq teknologjinë e topit të lidhur për herë të parë në Kampionatin Evropian, duke ofruar një pasqyrë të paprecedentë në çdo element të lëvizjes së topit dhe duke kontribuar në procesin e vendimmarrjes së ndihmës gjyqtarit video të UEFA-s”, theksoi Federata.

”Kampionati Evropian i Futbollit të UEFA-s përfaqëson kulmin e garave të ekipeve kombëtare në Evropë dhe ne jemi të përkushtuar të sigurojmë që çdo aspekt, nga mjediset, te pajisjet, të përmbushë standardet më të larta të cilësisë dhe performancës”, theksoi drejtori teknik i UEFA-s, Zvonimir Boban.

Euro 2024 do të zhvillohet nga 14 qershori deri më 14 korrik 2024, në 10 qytete pritëse në Gjermani, përkatësisht  Berlin, Këln, Dortmund, Düsseldorf, Frankfurt, Gelsenkirchen, Hamburg, Leipzig, Mynih dhe Shtutgart.

 Të tjera nga Futboll

Arnold Qevani transferohet në futbollin belg, nga Luksemburgu te Lüttich

 E-Diaspora

 Jeta në Austri