Futboll
Kuvendi i Shqiptarëve të Zvicrës: Ndalimi i simboleve të identitetit të lojtarëve, skandal i pashembullt
Kuvendi i Shqiptarëve të Zvicrës reagon për ndalimin e festimit të golave me gjestin e shqiponjës dykrenare
Pasi Federata Zvicerane e Futbollit vendosi t’u ndalojë lojtarëve me origjinë shqiptare, të kombëtares së Zvicrës të festojnë golat duke bërë simbolin e shqiponjës dykrenare, ka reaguar Kuvendi i Shqiptarëve të Zvicrës.
Më poshtë albinfo.ch sjell deklaratën:
“Është e pakuptueshme pse Federata Zvicerane e Futbollit e ngre në mënyrë të përsëritur këtë çështje në publik. Sidomos në fazën përgatitore të Botërorit, ku përqendrimi dhe fokusi i lojtarëve dhe shoqatës duhet të jetë te sporti. Në fund të fundit, kjo është thelbësore për sukses.
Pas një ekzaminimi të plotë, edhe FIFA pati dalë në vitin 2018, në përfundimin se gjesti në fjalë nuk ishte politik apo provokim publik. Supozuam se edhe Federata Zvicerane e Futbollit ndante këtë pikëpamje, por për fat të keq, padyshim që nuk është kështu, siç shihet nga deklaratat aktuale.
Kuptimi i gjestit (simbolit) të shqiponjës dykrenore është diskutuar dhe shpjeguar disa herë në të kaluarën. Është shprehje e identitetit dhe përkatësisë së njerëzve me rrënjë shqiptare.
Shqiponja dykrenore është kafsha heraldike e flamurit kombëtar shqiptar. Shqiponja dykrenore e formuar me duar të mbledhura është një modë e të rinjve shqiptarë. Ky identitet nuk ka as drejtim politik dhe as nuk shpreh vlera fetare. Të cilësosh shprehjen e identitetit apo rrënjëve të veta si provokim, apo edhe ta ndalosh atë, është sa diskriminuese aq dhe raciste. Nëse dikush ndihet i provokuar apo i shqetësuar nga gjesti i identitetit, të gjitha simbolet dhe flamujt shtetërorë në futboll do të duhej të ndaloheshin, gjë që do të ishte krejtësisht absurde.
Shumë “secondos” (të rinj të brezit të dytë të të huajve) luajnë për ekipin kombëtar të Zvicrës. Megjithatë, detyrimi për të mohuar përkatësinë e tyre të dyfishtë është një shkelje e qartë e integritetit të tyre. Ndalimi i simboleve të identitetit të lojtarëve në një ekip të karakterizuar nga diversiteti, është një skandal i pashembullt. Lojtarët janë krenarë për këtë diversitet dhe për faktin që luajnë për ekipin kombëtar. Ne duhet t’i lëmë lojtarët të bëjnë atë që duan të bëjnë: të luajnë, të fitojnë dhe të festojnë golat. Nëse duan të tregojnë rrënjët e tyre, atëherë duhet të lejohen ta bëjnë këtë”, shkruan tutje Kuvendi i Shqiptarëve të Zvicrës.
Të ngjashme
Të tjera nga Futboll
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa