Lajme
Kurz, nderon me medalje të artë dy policët që e eliminuan sulmin terrorist
Është bërë e ditur se kryeministri austriak ka dekoruar me “Medaljen e Artë të Meritave” dy policët që e eliminuan sulmuesin gjatë sulmit terrorist të së hënës në Vjenë, transmeton albinfo.ch.
“Me veprimet e tyre të guximshme dhe me përkushtim me jetën e tyre, këta dy zyrtarë policorë e eliminuan vrasësin gjatë sulmit të së hënës, duke e prandaluar më të keqen”, ka shkruar Kurz.
Po ashtu ai ka njoftuar se medaljet policëve ua ka ndarë dje (të enjten) dhe policët e dekoruar janë pjesëtarë të forcave speciale “WEGA”.
“Dje, i falënderova dy zyrtatët e WEGA-s për tërë forcat emergjente dhe i shpërbleva ata me Shenjën e Artë të Meritave të Republikës së Austrisë”, shkroi kryeministri Kurz.
Duhet theksuar se në fotografinë e publikuar në llogarinë e kryeministrit, dy policët e dekoruar janë me maska dhe nuk mund të identifikohen.
Kujtojmë se gjatë sulmit të tmerrshëm të së hënës në Vjenë, katër persona u vranë dhe 23 të tjerë u plagosën. Sulmuesi, me prejardhje shqiptare, me prindër nga Maqedonia Veriore, i identifikuar si Kujtim Fejzulai, 20 vjeç, u vra nga policia.
Ai kishte shtetësi austriake dhe maqedonase, ndërsa më parë ishte arrestuar pasi ishte përpjekur të merrte pjesë në luftën në Siri si pjesë e ISIS-it. /Albinfo.ch
Postimi i plotë:
Të ngjashme
Të tjera nga Lajme
E-Diaspora
-
Itali, shpallen në kërkim 4 shqiptarë për këto arsye Policia shqiptare dhe ajo italiane janë përfshirë gjatë ditës së sotme në një operacion të përbashkët...
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun