Shëndetësi
Kurtishi: Ka një rritje prej 5% të rasteve të reja me kancer
Instituti i Onkologjisë në QKUK ka ofruar më shumë se 20 mijë shërbime brenda 4 muajve të parë të vitit 2019 për pacientët, të cilët janë të diagnostikuar me kancer.
Gjatë kësaj kohe, stafi mjekësor në këtë klinikë ka kryer 12 mijë kontrolle, ka dhënë 8100 doza të kimioterapisë dhe 4200 terapi intravenoze. Te lista e shërbimeve mjekësore hyjnë edhe 501 raste të reja, të evidentuara me kancer, në periudhën janar-prill 2019, transmeton albinfo.ch.
Drejtori i Onkologjisë, Ilir Kurtishi, thotë se, në krahasim me vitin e kaluar, ka një rritje prej 5% të rasteve të reja me këtë sëmundje.
Sipas të dhënave të nxjerra nga raportet e punës për vitin 2018, në të njëjtën periudhë kohore kishte 475 pacientë.
“ Nuk është shumë alarmante kjo, pasi që, në krahasim me vendet fqinje, ne kemi numër shumë më të vogël. Në Maqedoni, gati 5 mijë raste të reja diagnostikohen në vit, me një popullatë pak ma të madhe se Kosova”, ka thënë ai.
Sipas Institutit të Onkologjisë kanceri i gjirit vazhdon të dominojë dhe se deri në këtë kohë janë paraqitur 121 raste. Në vendin e dytë radhitet kanceri i mushkërive me 82 raste, kurse, kanceri te tubi digjestiv, përfshirë lukthin, pankreasin dhe zorrët e trasha, ka prekur 109 pacientë.
Kanceri i organeve gjenitale është paraqitur tek 108 persona, meshkuj dhe femra, ndërsa 83 raste janë identifikuar me kancer në organe tjera.
Të ngjashme
Të tjera nga Shëndetësi
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?