Kosova
Kurti: Nuk mund të shtypet e të ndrydhet përjetë e vërteta
Kryeministri i Kosovës, Albin Kurti, nuk ka pasur përgjigjie kur është pyetur nëse do ta diskutojë me presidentin serb, Aleksandar Vuçiq, në Bruksel, temën e të pagjeturve.
Megjithatë, ndërsa bëri homazhe dhe nderime te Memoriali për të pagjeturit, Kurti u zotua se do të sjellë drejtësi për jetët e humbura nga gjenocidi serb.
”Të zhdukurit me dhunë duhet të duken në përgjegjësinë institucionale dhe përgjegjësinë qytetare. Të gjithëve ata na mungojnë. I mungojnë të ardhmes sonë”.
”Sot shënojmë edhe 22-vjetorin e Masakrës së Mejës, që është një dëshmi tjetër e gjenocidit të Serbisë në Kosovë”.
”Duhet që ekzekutorët dhe urdhërdhënësit e gjenocidit në Kosovë, të sillen para drejtësisë që të akuzohen, gjykohen e dënohen. Kjo është një plagë e hapur që nuk e mbyll kalimi i kohës”.
”Si Kryeministër i Republikës, bashkë me Presidenten, e Kryetarin e Kuvendit jemi zotuar se do të bëjmë çka mundemi e dimë, por natyrisht që do të ndihmojmë për sjelljen e drejtësisë dhe sjelljen e së vërtetës”.
Mes tjerash ai deklaroi se në raport me Serbinë duhet qëndruar të bashkuar.
”E vërteta është përpjekur të varroset në Batajnicë, e në varreza të tjera masive, nëpër fusha, nëpër male, nëpër liqene. Por ju e dini se ajo u rishfaq. Sepse nuk mund të shtypet e të ndrydhet përjetë e vërteta”.
”Ajo nxjerr kokën, ajo del”.
”Dhe shqiptari i vrarë, i masakruar, i varrosur, i zhvarrosur, i transportuar, i varrosur në Serbi, i zhvarrosur sërish, është ajo e vërtetë, e cila nuk rri nën ujë e as nën tokë”.
”Prandaj në raport me Serbinë, e për hir të së ardhmes tonë, ne duhet të bëhemi bashkë dhe ta kërkojmë përgjegjësinë, duke qenë përgjegjës edhe në institucionet tona dhe në secilën pozitë që mbajmë”.
”U jam mirënjohës familjeve që kurrë nuk ndalën aktivitetin e tyre, nëpër protesta, në vapë e acar, me lot në sy, në kërkim të më të dashurve të tyre”.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?