Kosova
Kurti: Diplomacia ekonomike luan rol të madh
Ka nisur edicioni i nëntë i Shkollës Pranverore për Diplomatët e Rinj, që organizohet nga Akademia Diplomatike e Ministrisë së Punëve të Jashtme dhe Diasporës dhe Friedrich Ebert Stiftung.
Ky edicion në këtë vit është përqendruar tek Diplomacia Ekonomike dhe Tregtare në një treg global gjithnjë e më të ndërlidhur, me pjesëmarrës nga rreth 40 shtete.
I pranishëm ishte edhe kryeministri Albin Kurti i cili tha se rëndësia e diplomacisë ekonomike nuk mund të mbivlerësohet në botën e ndërthurur ku jetojmë.
Megjithatë ai shtoi se diplomacia ekonomike ka luajtur dhe vazhdon të luajë një rol të madh në trajtimin e të dyja krizave: ofrimin e ndihmës së huaj për ata që kanë nevojë dhe vendosjen e sanksioneve ndaj agresorëve, raporton Albinfo.ch.
“Demokracia e fortë është një sinjal i lidhjeve ekonomike që një vend do ta ndjekë edhe ndërkombëtarisht”, shtoi ai.
Tutje Kurti theksoi se përveç sfidave, koha e tanishme është një ftesë për punë të përbashkët dhe forcimin e natyrës së ndërlidhur të prosperitetit demokratik dhe progresit ekonomik.
Sipas Bankës Evropiane për Rindërtim dhe Zhvillim, Kosova renditet e para në Ballkanin Perëndimor për nga rritja e parashikuar ekonomike për vitet 2023 dhe 2024.
“Mezi presim të punojmë së bashku për të mbështetur parimet tona demokratike dhe për të hapur rrugën për një botë më të ndërlidhur, të begatë dhe paqësore”, tha Kurti.
Të pranishëm në këtë takim ishin edhe Beqir Ismaili, ambasador, ushtrues detyre i drejtorit të përgjithshëm i Akademisë Diplomatike, Ministria e Punëve të Jashtme dhe Diasporës, si dhe Behar Isma, sekretar i Ministrisë së Punëve të Jashtme dhe Diasporës./Albinfo.ch/
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani