Lajme
Kuponi prej 50 eurosh, i premtuar nga Bashkia e Vjenës, do t’ju vijë me postë
Bashkia e Vjenës do të fillojë gjatë ditëve të ardhshme të ndajë kuponin e premtuar prej 50 eurosh për të gjitha familjet në Vjenë.
Kuponët, me të cilët do të mund të ushqeheni në restorantet më të mira të Vjenës, do të fillojnë të dërgohen në kutitë postare të secilës familje.
Qytetarët e Vjenës mund të dinë se ku dhe në cilat restorante do t’i shpenzojnë kuponët e tyre. Tashmë është krijuar një faqe e posaçme www.wienergastrogutschein.at dhe aty janë të regjistruara të gjitha restorantet, në të cilat ju mund të shkoni dhe të ushqeheni deri në vlerën e 50 eurove, raporton Albinfo Austria.
Vetëm brenda pak orësh. 400 biznese të gastronomisë janë regjistruar në këtë faqe. Kështu ka deklaruar zyra e Këshillit të Qytetit për Financa, Peter Hanke.
Ditët në vazhdim numri i lokaleve të gastronomisë do të rritët në këtë faqe dhe ju do të keni më shumë përzgjedhje për ta shpenzuar atë kupon. Sipas kësaj zyre, 950 mijë kuponë do të dërgohen në kutitë postare të qytetarëve vjenez.
Për familjet që jetojnë më shumë anëtarë do të përfitojnë kuponin prej 50 euro, ndërsa ata që jetojnë vetëm, 25 euro.
Kuponët mund t’i shpenzoni për ushqim dhe pije joalkoolike deri në fund të shtatorit.
Kryetari i Bashkisë së Vjenës, Michael Ludwig (SPÖ), e ka nisur këtë iniciativën për t’iu dalë në ndihmë sadopak lokaleve të gastronomisë në Vjenë pas krizës me koronavirusit. Për këtë qëllim, ai ka ndarë një buxhet prej 40 milionë eurosh.
Ndryshe, partitë politike kundërshtare e kanë quajtur këtë iniciativë si një fushatë para zgjedhjeve të cilat do të mbahen me 11 tetor.
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?