Kujdesi për fëmijët, shumë i shtrenjtë në Zvicër

Çmimet ndryshojnë në varësi të rajonit. Lider është kantoni Zug. Në një krahasim evropian, Zvicra pozicionohet e para në listë.
Një vend në një kopsht fëmijësh, në varësi të lokacionit, kushton me qindra franga në ditë.

Për shumë familje me dy ose më shumë fëmijë, kjo kushton edhe më shumë. Ndryshimet e çmimeve dallojnë në varësi të kantonit. Kështu tregon një studim i platformës Yoopies.ch, përcjell albinfo.ch.

“Babysitting” në Zug, më i shtrenjti

Paga për një orë përkujdesje ndaj fëmijëve është 26.25 franka në kantonin Zug. Kjo është pagesa më e lartë në Zvicër. Mesatarja kantonale është rreth 24 franga. Më së liri është në Kantonin Uri, 12 franga. Në Zurich dhe Bernë, 22.75 franga.
Platforma ka zbuluar edhe kostot e kujdesit në nivel evropian. Është e habitshme që në vendet e para renditet Zvicra, e ndjekur nga Britania e Madhe dhe Gjermania.