Ku punojnë më së shumti gjermanët dhe francezët

52 mijë shtetas gjermanë kanë kaluar kufirin me Luksemburgun me qëllim punësimin

Emigrimin e njohim së fundmi si një fenomen ballkanik dhe afrikan, por ai ekziston edhe vetë brenda Bashkimit Evropian, ndonëse jo në të njëjta përmasa me ato të qytetarëve të shteteve të treta.

Edhe gjermanët, edhe francezët zgjedhin të emigrojnë për punë nga shtetet e tyre, por si vend pritës preferojnë kryesisht një tjetër anëtar të Bashkimit Evropian.

Luksemburgu është shteti që përzgjidhet më së shumti për të punuar nga banorët e Gjermanisë dhe Francës, transmeton TCH.

Sipas të dhënave të Eurostat për vitin 2018, 52 mijë shtetas gjermanë kanë kaluar kufirin me Luksemburgun me qëllim punësimin, përcjell albinfo.ch.

Te francezët ky numër është edhe më i lartë, duke arritur në 88 mijë. Shteti tjetër që kanë zgjedhur 46 mijë francezë është Belgjika.

Numri më i lartë i punëtorëve që lëvizin në një shtet tjetër të BE-së u përket polakëve, të cilët zgjedhin masivisht Gjermaninë.

---