Kryemjeku i Zvicrës: Mund të vendosen kufizime vetëm për të pavaksinuarit

Ndërkohë, futja e vaksinimit me detyrim nuk mund të ketë shumë përkrahje. Në Zvicër zbatohet parimi që vaksinimi duhet të jetë një vendim individual

Lukas Engelberger, kryetar i Konferencës së Drejtorëve Kantonalë  të Shëndetësisë, nuk përjashton futjen mbarëkombëtare të rregullave 2G si një masë për të luftuar koronavirusin, transmeton albinfo.ch. Këshilli Federal , me vendimin e tij të marrë të premten, tashmë ka shtruar rrugën në këtë drejtim.

Por nëse nuk mund ta merret dinamika nën kontroll, miratimet vetëm për personat e vaksinuar dhe të shëruar (2G) në hapësirat publike nuk do të mjaftonin, është shprehur Engelberger për “SonntagsBlick”. Atëherë nevojitet zgjerimi i detyrimit për maskë dhe kufizimi i mëtejmë i kapaciteteve.

Se Këshilli Federal do të marrë në konsideratë masat vetëm për personat e pavaksinuar, nëse masat e reja kundër Koronës nuk tregojnë efekt, ka deklaruar dje edhe Presidenti Federal Guy Parmelin në Radio SRF. Sipas Parmelin, futja e rregullit 2G është po ashtu e mundshme

Ndërkohë, futja e vaksinimit me detyrim nuk mund të ketë shumë përkrahje. Në Zvicër zbatohet parimi që vaksinimi duhet të jetë një vendim individual, tha Christoph Berger, President i Komisionit Federal për Çështjet e Vaksinimit, “NZZ am Sonntag”. Një vaksinim i përgjithshëm i detyrueshëm do ta shkelte këtë parim.

Engelberger, nga ana e tij, tha se nuk besonte se bërja e detyrueshme do të rriste ndjeshëm shkallën e vaksinimit. Përkundrazi, do të krijonte një sfond të madh kërcënues.

---