Lajme
Krijohet Dhoma e Tregtisë Shqipëri-Zvicër
Më 18 dhjetor 2020, në Gjenevë, u organizua ceremonia inauguruese e Dhomës së Tregtisë Shqipëri-Zvicër (ALSWISS), nga Ambasada e Republikës së Shqipërisë në Konfederatën Zvicerane me mbështetjen e ngushtë të Dhomës së Tregtisë, Industrisë dhe Shërbimeve të Kantonit të Gjenevës.
Sot u organizua ceremonia inauguruese e Dhomës së Tregtisë Shqipëri-Zvicër (ALSWISS), nismë e një grupi sipërmarrësish shqiptarë dhe Ambasadës së Republikës së Shqipërisë në Konfederatën zvicerane, me mbështetjen e Dhomës së Tregtisë së Kantonit të Gjenevës, transmeton albinfo.ch.
ALSWISS është themeluar falë nismës dhe vullnetit të sipërmarrësit dhe financierit z. Erenik Yzeiraj, sipërmarrësit dhe juristit z. Fatjon Demneri si dhe mbështetjes së Ambasadës së Shqipërisë e dhjetra përfaqësuesish biznesesh zvicerane e shqiptare.
Në ceremoninë e inaugurimit ishte i pranishëm dhe përshëndeti zoti François Lefort, Kryetar i Parlamentit të Kantonit e Republikës së Gjenevës, Kryetari i Dhomës së Tregtisë së Gjenevës, zoti Vincent Subilia, si dhe Ambasadori i RSH, në Bernë, Ilir Gjoni.
Takimi u përshëndet “via zoom” edhe nga zoti A. Kamenica, Sekretar i Përgjithshëm Ministrisë së Turizmit e Mjedisit, zoti S.Çili, Drejtor Ekzekutiv i Dhomës së Tregtisë Zvicër-Shqipëri me seli në Tiranë si dhe drejtuesi i Universitetit M. Barleti z. A.Dudaj. Në emër të grupit nismëtar përshëndetën zotërinjtë E. Yzeiraj dhe F. Demneri.
Themelimi i ALSWISS përbën një moment të rëndësishëm në marrëdhëniet ekonomike mes dy vendeve. Realizimi i saj u bë i mundur falë angazhimit dhe punës së bashkërenduar mes përfaqësuesve të bizneseve shqiptare në Zvicër e Shqipëri, diplomatëve të Ambasadës shqiptare në Bernë dhe mbështetjes së pakursyer të Dhomës së Tregtisë së Gjenevës, shkruan Ambasada Shqiptare, Bern.
Krijimi i ALSWISS pikërisht në këtë situatë të vështirë është një shembull shprese dhe do të shërbejë si gjeneratore e energjive dhe mundësive të reja që i ofrohen bizneseve shqiptare e zvicerane. Ajo do të jetë një derë e hapur dhe një instrument i vyer në duart e bizneseve shqiptare që dëshirojnë të realizojnë këmbime tregtare e ekonomike mes Shqipërisë dhe Zvicrës.
ALSWISS parashikon dhe ka për objekt të krijojë dhe zhvillojë marrëdhënie biznesi dhe të karakterit tregtar ndërmjet Konfederatës Zvicerane dhe Shqipërisë. Kjo Dhomë do të ketë gjithashtu marrëdhënie bashkëpunimi me Dhomën e Tregtisë Zvicër-Shqipëri me seli në Tiranë.
Duke marrë në konsideratë politikat aktuale të Shqipërisë, si dhe klimën e biznesit, ALSWISS do të fokusohet gjatë veprimtarisë së saj në fushat si turizëm, bujqësi, kulturë, investimet në pasuritë e paluajtshme, industrinë e shërbimeve, etj.
Krijimi i ALSWISS pikërisht në këtë situatë të vështirë ekonomike në rang global për shkak të pandemisë COVID-19, është një shembull shprese dhe do të shërbejë si gjeneratore e energjive dhe mundësive të reja që i ofrohen bizneseve shqiptare e zvicerane në të ardhmen. Ajo do të jetë një derë e hapur dhe një instrument i vyer në duart e bizneseve shqiptare që dëshirojnë të realizojnë këmbime tregtare e ekonomike mes Shqipërisë dhe Zvicrës.
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998