Lajme
Trend i rritjes së infeksioneve në Kosovë, paralajmërohen masa shtrënguese
Ministri i Shëndetësisë në Qeverinë e Kosovës, Armend Zemaj, gjatë një konference për media ka bërë të ditur se Kosova ka shënuar rritje të lehtë të rasteve me COVID-19, sëmundjen që e shkakton koronavirusi.
Kjo rritje e lehtë e rasteve, tha Zemaj, bën që të veprohet urgjentisht për të parandaluar përkeqësimin e situatës, raporton express, përcjell Albinfo.ch.
Brenda dy ditëve në Kosovë janë shënuar 159 raste me COVID-19, nga 1,330 mostra të testuara.
Ministri Zemaj shtoi se sipas të dhënave të Institutit Kombëtar të Shëndetësisë Publike (IKSHPK), rritja e numrit të rasteve vjen nga institucionet publike dhe nga mosrespektimi i masave mbrojtëse të rekomanduara nga institucionet shëndetësore.
“Mungesa e disiplinës në institucione të ndryshme dhe në komunitet, si dhe nga fluksi i ardhur i qytetarëve nga vendet me rrezik të lartë, kanë bërë që të ketë një rritje të rasteve me COVID-19. E gjithë kjo nga ne kërkon angazhim maksimal”, tha Zemaj.
Ai ka bërë të ditur se nëse nuk do të respektohen udhëzimet e dhëna nga institucionet shëndetësore për parandalimin e përhapjes së COVID-19, në ditët në vijim masat shtrënguese do të jenë të domosdoshme.
Ministri Zemaj po ashtu kërkoi që të gjitha institucionet t’i ndalin urgjentisht seminaret, punëtoritë dhe format e tjera të organizimit, ku ka grumbullim njerëzish “sikurse edhe veprimtaritë e ndryshme krejtësisht të panevojshme, si promovimet e ndryshme, tubimet publike dhe aktivitete të tjera që mund të shmangen dhe nuk janë domosdo që të mbahen me prani e grumbullim të njerëzve”.
Sipas IKSHPK-së, numri i përgjithshëm i viktimave me koronavirus ka arritur në 645.
Që prej 13 marsit e deri më 10 tetor, në Kosovë janë regjistruar 16,130 raste me koronavirus.
Prej tyre, 14,282 pacientë janë shëruar, ndërkaq raste aktive vazhdojnë të jenë edhe 1,203.
E-Diaspora
-
400 mijë të regjistruar përmes platformës e-diaspora Teksa Kosova ka hyrë në ditët e funfit të procesit të regjistrimit të popullsisë është rritur...
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit