Kosovë: Nga 1 shtatori aplikohet edhe tarifa e rikyçjes me energji elektrike për konsumatorët e shkyçur

Foto FB: Ministria e Industrisë, Ndërmarrësisë, Tregtisë dhe Inovacionit

Kompania Kosovare për Furnizim me Energji Elektrike, KESCO ka bërë të ditur se ka pranuar njoftim zyrtar nga Operatori i Sistemit të Shpërndarjes për fillimin e zbatimit të një tarife të re për rikyçje në energji elektrike për konsumatorët e shkyçur për shkak të mospagesës së faturës së energjisë elektrike. 

Sipas njoftimit tarifa do të aplikohet nga 1 shtatori i këtij viti, krahas tarifës së shkyçjes e cila tashmë është në fuqi teksa raportohet se kjo tarifë do të aplikohet krahas asaj së shkyçjes e cila tashmë është në fuqi, transmeton albinfo.ch.

Megjithatë, KESCO nuk ka treguar sa është kjo tarifë.

“Sipas njoftimit të OSSH-së, nga 1 shtatori 2026 do të aplikohet tarifa e rikyçjes për konsumatorët që janë shkyçur nga rrjeti për shkak të mospagesës së detyrimeve financiare dhe që kërkojnë rikyçjen e furnizimit me energji elektrike. Kjo tarifë do të aplikohet krahas tarifës së shkyçjes, e cila tashmë është në fuqi, në përputhje me rregullativën e ZRRE-së”, thuhet mes tjerash në njoftim.

KESCO u ka bërë thirrje konsumatorëve që faturat e energjisë elektrike t’i paguajnë brenda afateve në mënyrë që të shmangin “procedurat e shkyçjes dhe kostot shtesë që lidhen me shkyçjen dhe rikyçjen e furnizimit me energji elektrike.”