Kosovë: Hapet panairi i punës dhe karrierës

Sot në Prishtinë ka filluar “Panairi Nacional i Punës dhe Karrierës”, i organizuar nga Qendra Informative Gjermane për Migracion, Arsim dhe Karrierë – DIMAK, shkruan albinfo.ch. 

“Nën moton “Eja e tako punëdhënësin tënd potencial, panairi që ka zënë vend në sallën “1 tetori”, ka mbledhur punëdhënës e punëkërkues të shumtë. 

“Ky panair i cili organizohet për vitin e katërt me radhë tashmë ka krijuar një traditë të mirë dhe të sukseshme në krijimin e mundësive të shumta për punësimin e qytetarëve të Kosovës”, kanë thënë nga DIMAK, përcjell albinfo.ch. 

Nga DIMAK kanë bërë të ditur se do të prezentohen dhjetëra vende të lira pune, të pozitave të ndryshme, që janë bërë publike paraprakisht në rrjetet sociale.

Panari do mbahet vetëm sot dhe do të zgjasë deri në orën 18:00.