Kosovë: 76 raste të reja me koronavirus, 165 persona të shëruar

(AP Photo/Jessica Hill)

Në 24 orët e fundit, në vend, janë shënuar edhe 76 raste të reja me koronavirus. Numri total i të prekurve nga ky virus në Kosovë ka arritur në 14.839 persona, shkruan Express.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe në laboratoret private me metodën RT-PCR, janë testuar gjithsej 538 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 76 raste pozitive. Brenda 24 orëve janë raportuar 3 raste të vdekjes me SARS CoV-2 pozitiv. Numri total i rasteve pozitive është 14.839, nga 59.571 persona të dyshimtë në virusin SARS-CoV-2 dhe 604 raste të vdekjes”, thuhet në njoftim.