Lajme
Pas kundërshtimit të vendimit, Gjykata i rrit dënimin kosovarit nga 7.5 në 10 vjet
Përveç disa gjobave dhe dëmshpërblimeve, pas vuajtjes së dënimit, kosovari duhet të largohet nga Zvicra për dhjetë vjet
Një person që akuzohej se ka tentuar të vrasë ish-gruan e tij në Brügg në vitin 2021, duhet të qëndrojë në burg më gjatë se sa kishte vendosur gjykata rajonale në vitin 2022, transmeton albinfo.ch. Pas apelimit të vendimit fillestar, ai u dënua këtë javë nga Gjykata e Lartë e Bernës me dhjetë vjet burg në vend të shtatë e gjysmë.
Në janar të vitit 2021, kosovari kishte tentuar të mbyste duke e ngulfatur me rrip ish-bashkëshorten, shkruan portali “Ajour”. Megjithatë, ajo mundi të çlirohej dhe të shpëtonte me një skuqje të lehtë në qafë.
I akuzuari qe dënuar me shtatë vjet e gjysmë burg nga gjykata rajonale e Bernese Jura-Seeland një vit më parë për tentativë vrasjeje. Por, shtetasi kosovar nuk e ka pranuar aktgjykimin dhe për këtë arsye çështja është dërguar në Gjykatën e Lartë të Bernës. Tani një gjë është e sigurt: gjërat u përkeqësuan për të, në vend se të përmirësoheshin.
Në vend të shtatë viteve e gjysmë burg sa kishte fillimisht, i akuzuari tani duhet të mbajë burg për tentativë vrasjeje për dhjetë vjet – nga të cilat ai ka vuajtur tashmë dy vjet e gjysmë, përcjrll albinfo.ch. Parashikohet gjithashtu një gjobë prej 4500 frangash, 1800 franga dëmshpërblim dhe 20000 franga si sadisfaksion për ish-bashkëshorten.
Përveç kësaj, ai duhet të paguajë edhe shpenzimet e terapisë që janë ende të kryera. Pas vuajtjes së dënimit, kosovari duhet të largohet nga Zvicra për dhjetë vjet.
Të ngjashme
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë