Integrimi
Kosovarët, të dytët në numër pas gjermanëve
Në vitin 2016 në territorin e kantonit jetonin 23651 shtetas gjermanë, 9599 kosovarë dhe 9083 shtetas serbë. Statistika po ashtu tregon se do i katërti i huaj në kanton është gjerman
Zyra për statistikë e Kantonit të St. Gallenit ka publikuar sot shifrat aktuale të të huajve me qëndrim të përhershëm në këtë kanton, shkruan tagblatt.ch Në përgjithësi vihet re një rritje e dukshme e përqindjes së të huajve ndër vite. Kështu, nëse në vitin 1990 në Kantonin e St. Gallenit të huajt përbënin 15.4% tash ata përbëjnë 23.5% (në fund të vitit 2015).
Në kategorinë “popullatë e huaj e përhershme” hyjnë të huajt që kanë ndërtuar një perspektivë në vend, që kanë leje qëndrimi B ose C etj.
Numrin dhe përqindjen më të madhe ndër të huajt e përbëjnë shtetasit gjermanë, transmeton albinfo.ch. Ata janë në krye të listës që nga fillimi i shekullit 21 dhe tashmë mund të thuhet se ka një stabilizim të tyre në këtë pozitë. Në vitin 2016 në territorin e kantonit jetonin 23651 shtetas gjermanë, përcjell albinfo.ch. Kjo tregon se çdo i katërti i huaj është gjerman.
Në statistikë, thuhet më tutje, shtetasit e Kosovës, janë përfshirë në një rubrikë bashkë me ata të Serbisë dhe të Malit të Zi. Kjo është bërë në mënyrë që të mund të krahasohen lëvizjet në gjirin e komuniteteve, ndër vite. Në këtë kategori janë gjithsej 19373 të huaj, nga të cilët, shtetas kosovarë janë 9599, serbë 9083 dhe malazezë, 691.
Si zakonisht, sa u përket shifrave të shqiptarëve në kuptimin e përkatësisë etnike dhe gjuhësore, këto statistika nuk mund të jenë të plota, gjegjësisht nuk e paraqesin gjendjen numerike të tyre. Kjo për faktin se nga njëra anë shqiptarë ka edhe në kategorinë e shtetasve të Serbisë (Lugina e Preshevës dhe një numër kosovarësh që ende kanë pasaporta serbe) dhe nga ana tjetër këtu mungojnë shtetasit e Maqedonisë, të cilët në Zvicër janë me shumicë të madhe shqiptarë etnikë.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?