Lajme
Kosovarët me viza pune austriake, mbesin në Kosovë
Një numër i madh i kosovarëve, të cilët punojnë rregullisht si punëtorë sezonalë në fermat austriake, mund të mos e gëzojnë të drejtën e punës këtë vit.
Rreth 220 punëtorë sezonalë nga Ukraina të premten kanë arritur në aeroportin e Linz-it. Ata kryesisht do të ndihmojnë në mbledhjen e luleshtrydheve (dredhëzave). Fermerët austriakë të perimeve dëshirojnë një mundësi të ngjashme edhe për punëtorët e tyre të rregullt nga Kosova.
Por, fermerët kosovarë ende nuk kanë mundur këtë vit t’ i bashkohen firmës me të cilën kanë kontratë, ndonëse posedojnë leje të punës. “Atyre u mungojnë vizat, sepse Ambasada e Austrisë në Kosovë është e mbyllur. Kësisoj as shërbimet nga kjo ambasadë nuk mund të kryhen”, shkruan orf.at, përcjell Albinfo Austria.
Punëdhënësit e fermerëve kosovarë, të cilët janë nga Eferding, një fshat në Austrinë e Epërme, thonë se po kërkojnë nga Qeveria e Austrisë që t’i lehtësojë masat për arritjen e tyre në Austri.
Në anën tjetër, qeveria ka premtuar se është duke u angazhuar për të krijuar lehtësime për punëtoret sezonalë që të punojnë gjatë kësaj vere në fermat austriake.
Siç thuhet në mediat austriake, paga e këtyre punëtorëve sezonal është 1500 euro në muaj.
E-Diaspora
-
Prime Travel, partneri juaj i udhëtimeve Agjencia Turistike ju ofron përvojën më të paharrueshme në udhëtime...
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë