Kosova
Kosova i kërkon Shqipërisë të heqë përkohësisht taksën në ‘Rrugën e Kombit’
"Është një vendimmarrje e përbashkët që turizmi nuk është vetëm një kënaqësi, turizmi është një industri shumë e rëndësishme e të dy vendeve tona, por po ashtu është një kontribuues i rëndësishëm në ekonominë dhe në buxhetet e vendeve tona", tha ministri shqiptar i Turizmit, Blendi Klosi
Kosova i ka kërkuar Shqipërisë që të heqë përkohësisht tarifën në “Rrugën e Kombit”, me qëllim për të lehtësuar barrierat penguese për turistët, që zgjedhin të kalojnë pushimet verore në bregdetin shqiptar.
Kjo kërkesë u bë nga zëvendëskryeministri i Kosovës, Besnik Bislimi, gjatë takimit që pati me ministrin e Turizmit dhe Mjedisit të Shqipërisë, Blendi Klosi. Ai shtoi se barrierat e vënë në traun e “Rrugës së Kombit” shkaktojnë vonesa të pakëndshme te turistët.
“Diskutuam edhe për hapat që pritet të ndërmerren nga ministritë tona, në mënyrë që rruga nga Kosova deri në destinacionin e tyre në Shqipëri dhe anasjelltas të jetë sa më shumë e lehtësuar, me sa më pak kontrolle apo barriera. Përfshirë këtu edhe kërkesën tonë që të gjendet një zgjidhje, të paktën e përkohshme, për eliminimin e detyrimit për të paguar për tunelin në Kalimash, për arsye se kjo po shkakton pastaj vonesa për turistët tanë, të cilët shkojnë në Shqipëri, e kjo sidomos shtohet kur kemi të bëjmë me pushime afatshkurtra gjatë fundjavës dhe jashtë sezonit”, u shpreh Bislimi, i cili shtoi se biseda kryesore me ministrin Klosi ishte promovimi i turizmit dhe thellimi i bashkëpunimit mes dy shteteve, raporton Euronews, përcjell Albinfo.ch.
Ministri i Turizmit dhe Mjedisit në Shqipëri, Blendi Klosi, u shpreh se turizmi është një kontribuues i rëndësishëm për ekonominë dhe buxhetin e të dyja vendeve, ndërsa u zotua se do të bëjnë gjithçka që oferta turistike e përbashkët Kosovë-Shqipëri të jetë një realitet.
“Për të dy qeveritë tona besoj është një vendimmarrje e përbashkët që turizmi nuk është vetëm një kënaqësi, turizmi është një industri shumë e rëndësishme e të dy vendeve tona, por po ashtu është një kontribuues i rëndësishëm në ekonominë dhe në buxhetet e vendeve tona. Prandaj, do të bëjmë gjithçka është e mundur që oferta turistike e përbashkët Shqipëri-Kosovë të jetë një realitet”, tha mes tjerash Klosi.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl