Lajme
Konfirmohet: Një ushtar austriak i KFOR-it në Kosovë me Covid -19
“Në kontingjentin austriak, është një person i sëmurë”, ka thënë Bauer. Ai do të sillet nga Kosova në Austri të martën ose të mërkurën.
Një ushtar i kontingjentit paqeruajtës austriak në kuadër të trupave të KFOR-it në Kosovë ka rezultuar pozitivisht me Covid 19. Për këtë rast ka njoftuar zëdhënësi i Ministrisë së Mbrojtjes, Michael Bauer të dielën, shkruan “Krone Zeitung”, përcjell “Albinfo Austria”. “Në kontingjentin austriak, është një person i sëmurë”, ka thënë Bauer. Ai do të sillet nga Kosova në Austri të martën ose të mërkurën.
Zëdhënësi Bauer ka konfirmuar këtë rast, pasi KFOR-i dje përmes një kumtese njoftoi për vdekjen e dy punonjësve civilë dhe infeksionin e disa ushtarëve të KFOR-it.
“Dërgimi i ushtarit në shtëpi është një “masë paraprake” sepse kujdesi mjekësor është më i mirë në Austri se sa në Kosovë”, ka thënë Bauer.
Kontingjenti austriak i KFOR-it në Kosovë është i përbërë prej 300 ushtarëve. Zëdhënësi i Ministrisë së Mbrojtjes, Michael Bauer ka mohuar të tregojë nëse të gjithë ushtarët austriakë janë testuar për koronavirusin, transmeton “Albinfo Austria”.
Ai ka thënë se e rëndësishme është se kushdo që ka pasur kontakt me të infektuarit janë të vendosur në karantinë.
Në anën tjetër, sipas mediave në Kosovë, njëri prej civilëve që vdiq u tha se ishte një 70-vjeçar nga Kosova. Ai ishte i punësuar në një kamp të ushtrisë amerikane në lindje të vendit.
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë