Komuna e Malishevës dhe Moudonit tashmë kanë hapur një portë të re bashkëpunimi

Gzim Rama, politikani i suksesshëm në Moudon të Zvicrës

Shumë shqiptarë tashmë janë storje suksessi në fushën e politikës në Zvicër. Kësaj fushe i bashkohet edhe mërgimtari shqiptar Gzim Rama, , kryetar i Kuvendit të qytetit Moudo, shkruan albinfo.ch.

Gzimi është një shembull i mirë i një politikani të suksesshëm me prejardhje shqiptare, që u shërben të gjithëve pa dallim, duke mos lënë anash për asnjë moment mbi 10% të komunitetit shqiptar që jetojnë aty.

Për një vizitë zyrtare, kryetari i Komunës së Malishevës, Ekrem Kastrati, bashkë me kryesuesin Argjend Thaçi, janë takuar me kryetarin e Kuvendit të Moudos, shqiptarin Gzim Rama.

Kastrati tregon se së bashku diskutuan rreth praktikave më të mira përmes të cilave Komuna e Moudonit qeveriset dhe u shërben qytetarëve të saj.

“Komuna e Malishevës dhe Moudonit tashmë kanë hapur një portë të re të bashkëpunimit, të cilën sigurisht që do ta zgjerojmë edhe më shumë në të ardhmen, për faktin se aty kemi edhe një komunitet shqiptar të fuqishëm e që punojnë shumë, dhe shëmbulli më i mirë është bashkëvendësi ynë, Alban Kastrati, dhe shumë malishevas të tjerë”, shprehet Kastrati. /Albinfo.ch

---