Klubi gjerman interesohet për Edon Zhegrovën

Edon Zhegorva pa dyshim se është një talentët më të kërkuar për momentin nga shumë ekipe. Pas skuadrës së njohur spanjolle, Real Sociedad, të enjten është raportuar për një skuadër tjetër të madhe që interesohet për Edon Zhegrovën, përcjell albinfo.ch.

Kësaj radhe gjiganti gjerman, Borussia Dortmund, ka shprehur interesim për sulmuesin e krahut, raporton “derwesten.de”.

Interesim për Zhegrovën kanë shprehur edhe klube të tjera nga Gjermania, Franca, Anglia, Spanja dhe Italia.

Raportohet se Zhegrova është i hapur të largohet nga Lille këtë edicion, ndonëse ekipi francez për kartonin e tij po kërkon të paktën 20 milionë euro.

24-vjeçari ka 6 gola e 7 asistime në 25 paraqitje këtë edicion në të gjitha garat, ndërsa me Lillen ka kontratë deri në vitin 2026.

Ai është pjesë e Lillet prej janarit të vitit 2022 kur iu bashkua nga skuadra e Baselit.