Klientët rusë kanë deri në 200 miliardë franga në bankat zvicerane

(KEYSTONE/Gaetan Bally)

Bankat zvicerane mbajnë mes 150 dhe 200 miliardë franga aktive që u përkasin klienteve rusë, sipas Shoqatës së Bankierëve Zvicerane, përcjell albinfo.ch.

Presidenti i shoqatës, Marcel Rohner, bëri vlerësimin në konferencën vjetore për shtyp të martën.

Në përgjithësi, në vitin 2020 bankat zvicerane kishin nën menaxhim që arrinin në 7,879 miliardë franga. Megjithatë, Rohner nuk pranoi të përcaktojë sasinë e fondeve të bllokuara si rezultat i sanksioneve ekonomike të vendosura nga Zvicra kundër Rusisë.

Ai shtoi se shuma e saktë mund të bëhet e qartë më vonë, pasi bankat do të duhet të raportojnë llogaritë aktive në Ministrinë e Ekonomisë deri në qershorin e ardhshëm, sipas agjencisë së lajmeve Keystone-SDA.

Klientët rusë në listën e zezë nuk mund të tërheqin asnjë para nga llogaritë e tyre zvicerane, as nuk mund të depozitojnë fonde që tejkalojnë 100,000 franga. Qeveria zvicerane ndoqi një grup të parë sanksionesh të vendosura nga Bashkimi Evropian në fund të shkurtit, duke nxitur debatin rreth statusit neutral të Zvicrës. Qeveria tha se do të konsideronte marrjen e masave të mëtejshme ndëshkuese në vazhdën e sanksioneve shtesë të BE-së të shpallura gjatë javëve të fundit, përcjell tutje albinfo.ch.