Lajme
Kjo është fjala më e kërkuar e vitit 2023 në internet

Bëhet e dutur se “AI” ka pësuar një rritje të katërfishtë këtë vit, krahasuar me një vit më parë, duke u renditur kështu fjala më e kërkuar e vitit 2023 nga fjalori “Collins”, përcjell albinfo.ch.
“AI” ka lënë pas termat “nepo baby” dhe “deinfluencing”, të cilat kanë qenë risi në motorin e kërkimit.
“Nepo baby” termi i përdorur për të përshkruar djemtë dhe vajzat e personazheve të famshëm, karriera e të cilëve supozohet se ka marrë hov falë prindërve të tyre të famshëm, ndërsa “deinfluencing” shpjegohet si “përdorimi i mediave sociale për të paralajmëruar ndjekësit të shmangin disa produkte komerciale, zgjedhje të stilit të jetesës etj”.
Fjala më e kërkuar e vitit zgjidhet nga leksikografë që monitorojnë një sërë burimesh, përfshirë edhe mediat sociale.
Shqetësimet shëndetësore ishin të dukshme në vitin 2023, sipas botuesve, ndaj edhe “ultra-processed””, një term që i referohet ushqimit që “përgatitet duke përdorur metoda komplekse industriale nga përbërës të shumtë, shpesh duke përfshirë përbërës me pak ose aspak vlera ushqyese”, është renditur në vendet e para në fjalor, por jo më larg mbetet edhe “semaglutide”, ilaçi që njihet për efektin në heqjen e oreksit. Përdorimi i termit është trefishuar duke nisur që nga viti i kaluar.
Alex Beecroft, menaxher i “Collins”, tha se “nuk kishte dyshim” se “AI” kishte qenë “pika kryesore më e përfolur e vitit 2023″.
“Ne e dimë se AI ka qenë një fokus i madh këtë vit, në mënyrën se si është zhvilluar dhe është bërë shumë shpejt aq e përhapur dhe e ngulitur në jetën tonë sa çdo teknologji tjetër dikur futuriste, por tashmë e përditshme”. E përcaktuar si “modelimi i funksioneve mendore të njeriut nga programet kompjuterike”, “AI” u zgjodh, sepse “është përshpejtuar me një ritëm kaq të shpejtë dhe është bërë biseda dominuese e vitit 2023”, shtoi botuesi.
E-Diaspora
-
Katër shqiptarë lëndohen në një aksident në Kroaci Katër shqiptarë kanë mbetur të lënduar si pasojë e një aksidenti që ka ndodhur sot në...
-
Arrestohen 6 shqiptarë në Spanjë
-
Sheshi Times Square “vishet” kuq e zi, shqiptarët në New York festojnë Ditën e Flamurit
-
Për herë të parë ngrihet flamuri shqiptar në Naples, Florida
-
Xherdan Shaqiri uron shqiptarët për 28 Nëntor me foton e veçantë
Jeta në Austri
-
Gjithçka që ndryshon në Austri në dhjetor 2023 Siç mund ta prisni duke pasur parasysh se është koha e Krishtlindjes, dhjetori është një muaj...
-
Nëntori i letrave shqipe dhe atdhedashurisë mbahet në Vjenë
-
A ka përfunduar aleanca për strehim të përballueshëm në Austri?
-
Qytetet evropiane kërkojnë rregulla për shoferët e huaj në zonat me emetim të ulët
-
Spitali i Përgjithshëm i Vjenës rifillon testet e Covid-19 tek pacientët