Lajme

Kina, me aplikacion që zbulon koronavirusin

Kina e ka lansuar një aplikacion që lejon njerëzit të kontrollojnë nëse kanë qenë në rrezik për t’u prekur nga koronavirusi.

E mërkurë, 12 Shkurt 2020 - 19:15 albinfo.ch
Keystone EPA/YFC CHINA OUT

“Detektori i kontaktit të afërt” i njofton përdoruesit nëse ata kanë qenë pranë një personi që është konfirmuar ose dyshohet se ka virus.

Personat e identifikuar si potencialisht të rrezikuar këshillohen të qëndrojnë në shtëpi dhe të informojnë autoritetet lokale shëndetësore.

Teknologjia pritet të ndihmojë në përpjekjet që qeveria kineze po i bën për mbikëqyrjen e afërt të popullsisë së saj.

Për të bërë kërkesë, përdoruesve u kërkohet të skanojnë një kod të Reagimit të Shpejtë (QR) në telefonat e mençur, duke përdorur aplikacione si shërbimin e pagesave Alipay ose platformën e mediave sociale WeChat.

Pasi aplikacioni i ri të regjistrohet me një numër telefoni, përdoruesve u kërkohet të shkruajnë emrin dhe numrin e tyre të identitetit.

Cilido numër i regjistruar i telefonit mund të përdoret më pas për të kontrolluar gjendjen deri në tre numra të identitetit.

Aplikacioni u zhvillua bashkërisht nga departamentet qeveritare dhe Korporata e Teknologjisë Elektronike të Kinës dhe u mbështet nga të dhëna e ofruar nga autoritetet e shëndetësisë dhe transportit, shkruajnë mediat shqiptare, përcjell albinfo.ch.

 Të ngjashme

Policia zvicerane dhe britanike “thyejnë” një rrjet kriminal

 Të tjera nga Lajme

BE shqyrton masa të reja për kufizimin e përdorimit të rrjeteve sociale nga fëmijët

 E-Diaspora

 Jeta në Austri