Rregulloret e reja të hyrjes nga zonat e rrezikut në Gjermani

(KEYSTONE/DPA/Soeren Stache)

Gjermania po përballet me numër të madh të infektimeve dhe vdekjeve nga koronavirusi, transmeton albinfo.ch.

Instituti Robert Koch në Berlin ka regjistruar një numër rekord të viktimave në Gjermani nga Covid-19. Në raport thuhet se janë raportuar 1188 vdekje (deri më tani numri maksimal i vdekjeve është regjistruar më 30 dhjetor me 1129 vdekje).

Në 24 orët e fundit janë regjistruar 31.849 raste të reja pozitive.

Rregulloret e reja të hyrjes nga zonat e rrezikut në Gjermani, të vlefshme nga 11 janari 2021:

• Test i detyrueshëm: Personat që hyjnë ne Gjermani duhet të testohen deri në 48 orë para mbërritjes ose menjëherë pas mbërritjes.
• Detyrimi për vetizolim dhjetëditor ende mbetet në fuqi.
• Vetizolimi mund të shkurtohet nga rezultati negativ i një testi tjetër të kryer në ditën e pestë pas hyrjes.
• Detyrimi për njoftimin dixhital për personat që hyjnë në Gjermani ende mbetet në fuqi.