Lajme
Kardiologu shqiptar në Zvicër tregon për efektet anësore, pasi mori vaksinën anti-Covid
"Të shpëtojmë jetë duke u vaksinuar, sepse vaksinat janë të sigurta dhe nuk kemi asnjë arsye racionale pse të mos i marrim”
Zvicra ka disa muaj që ka filluar procesin e vaksinimit kundër koronavirusit. Sipas të dhënave të fundit të qeverisë, deri më 12 mars Zvicra ka vaksinuar më shumë se 14% të popullsisë, apo rreth 1.2 milion njerëz, shkruan Albinfo.ch.
Një ndër të vaksinuarit me vaksinën anti-Covid është edhe kardiologu i njohur shqiptar, Florim Cuculi, i cili punon në Spitalin e Luzernit, në Zvicër.
Në një prononcim për Albinfo.ch, Cuculi tha se vaksinohet çdo vit për gripet sezonale dhe se kjo vaksinë nuk ishte diçka më shumë për të.
“Unë e pata Covid-19 para disa muajve dhe prita 3 muaj, siç është e rekomanduar. Vaksinohem çdo vit për vitin sezonal. Kjo vaksinë për mua nuk ishte diçka tjetër. Do të thotë, jam mësuar me vaksinime dhe jam i lumtur që e bëra”.
Kardiologu Cuculi po ashtu tregoi se cilën vaksinë anti-Covid e mori dhe efektet anësore të vaksinimit që ai përjetoi.
“Në spitalin tonë nuk pata mundësi të marr tjetër vaksinë, përveç asaj Pfizer/Biontech. Por kjo vaksinë kishte rezultate të shkëlqyeshme në punimin që u publikua në gazetën më presitgjioze mjekësore në botë (New England Journal of Medicine). Ndërsa, efektet anësore i kisha, por ishin të buta. Pak lodhje, pak dhimbje në vendin ku u dha gjilpëra, pak dhimbje të krahëve. Por ja, 3 ditë më vonë jam shumë mire”, u shpreh ai.
Ndërsa, sa i përket skepticizmit kundër vaksinës, Cuculi tha se kjo i duket e paarsyeshme.
“Skepticizmi kundër vaksinës nuk më duket i arsyeshëm. Kurrë në jetën time si mjek nuk kam parë kaq shumë njerëz të vdesin në spitalet tona. Ka qenë tmerr. Kam humbur edhe disa pacientë, të cilët i kam njohur gjatë kohë dhe i kam përcjellë si pacientë kardiologjie. Nuk arriti t’i mundë as infarkti, as insufienca kardiake, as infarkti i dytë, por i vrau Covidi. Dhe, më e keqja është që kjo është një vdekje e tmerrshme, ku ne mjekët vetëm i shikojmë pacientët si vdesin, sepse s’ke si t’i ndihmosh përveç t’i japësh oksigjen. Nuk kemi terapi për këtë virus. Prandaj, të shpëtojmë jetë duke u vaksinuar, sepse vaksinat janë të sigurta dhe nuk kemi asnjë arsye racionale pse të mos i marrim”, përfundoi ai.
Të ngjashme
Të tjera nga Lajme
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa