Gjermani: Kapet i dënuari për tentativë vrasjeje, ekstradohet në Shqipëri

Ai qe dënuar me gjashtë vite e tetë muaj burg, nga të cilat i mbeten edhe katër vite e tre muaj për të vuajtur

Më 4 gusht 2026, në orën 23:45 policët e Inspektoratit Federal të Policisë Berggießhübel kryen një kontroll hyrës në pikën kufitare të Breitenaut në një automjet me targa italiane. Shoferi, një 36-vjeçar shqiptar, paraqiti pasaportën e tij të vlefshme, transmeton albinfo.ch.

Por, një kontroll i mëtejmë zbuloi se personi në fjalë po kërkohej për arrestim në Shqipëri për tentativë vrasjeje dhe armëmbajtje pa leje.

Ai qe dënuar me gjashtë vite e tetë muaj burg, nga të cilat i mbeten edhe katër vite e tre muaj për të vuajtur, shkruan Press Portal.de

Pasi u paraqit para gjykatës së rrethit përgjegjës në Pirna, ai u dërgua në Qendrën Korrektuese të Dresdenit, ku pret ekstradimin në Shqipëri.

 

---