Lajme
Kantoni i Cyrihut do t’i regjistrojë vetë të kthyerit nga vendet e rrezikut
Deri më tani, të dhënat së pari janë përcjellë në nivelin federal, e pastaj i janë kthyer kantonit. Kjo ecuri, për autoritetet e Cyrihut ka qenë e papranueshme
Kantoni i Cyrihut mbledh të dhënat e kontaktit të të gjithë udhëtarëve që kthehen përmes rrugës ajrore nga vendet me rrezik të lartë me detyrimin për karantinë. Informacioni pastaj përcillet në gjurmimin e kontaktit, shkruan sda.
Kompanitë ajrore kanë filluar që nga e hëna të përcjellin detajet e kontakteve përmes formularëve të mbushur nga pasagjerët në policinë e aeroportit, transmeton albinfo.ch. Policia e aeroportit regjistron të dhënat nga pasagjerët që jetojnë në kantonin e Cyrihut dhe i përcjell ato te departamenti i shëndetësisë. Dhe, sipas një deklarate nga Policia e Kantonit të Cyrihut, Departamenti i shëndetësisë mund të sigurojë në mënyrë efektive gjurmimin e kontakteve.
Ndryshimi është se deri më tani, të dhënat së pari janë përcjellë në nivelin federal e pastaj i janë kthyer kantonit. Kjo ecuri, për autoritetet e Cyrihut ka qenë e papranueshme dhe burokratike, prandaj ka vendosur që ta realizojë vet këtë proces.
Ministri përgjegjës (drejtor për siguri) në Qeverinë e Kantonit të Cyrihut Mario Fehr ka informuar mediat rreth këtyre masave të zbatimit të mërkurën pasdite në konferencën e mbajtur në Aeroportin Kloten, përcjell albinfo.ch.
“Është thelbësore që masat e marra të zbatohen në mënyrë të vazhdueshme”, citohet drejtori i sigurisë në një njoftim nga policia e kantonit. Kjo është mënyra e vetme për të mbrojtur në mënyrë efektive popullsinë nga virusi i koronës.
Prandaj, personat e dyshimtë raportohen në polici përmes gjurmimit të kontakteve në rastet kur ka indikacione për mospërfillje të detyrimit të raportimit dhe karantinës, transmeton albinfo.ch. Nëse rezulton se karantina ose detyrimi i raportimit nuk është përmbushur, autorët mund të dënohen. Ata mund të gjobiten deri në 10.000 franga.
Qëndrimi është që udhëtarët të cilët nga vendet e rrezikut, të përcaktuara nga qeveria federale me një rrezik të rritur të infeksionit të koronës duhet të shkojnë menjëherë në karantinë. Ndërkaq drejtoria e shëndetësisë duhet të njoftohet brenda dy ditësh.
Të ngjashme
Të tjera nga Lajme
E-Diaspora
-
Bizneset nga diaspora vizitojnë shtëpinë e Kosovës Në 10 vjetorin e themelimit të Rrjetit Global të Bizneseve Shqiptare, dje në Prishtinë është mbajtur...
-
Shqiptari diplomon në Columbian University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?