Lajme

Kancelari austriak do të takohet nesër me Putinin në Rusi

E diel, 10 Prill 2022 - 19:35 albinfo.ch
FOTO: APA/GEORG HOCHMUTH

Kancelari i Austrisë, Karl Nehammer, do të udhëtojë nesër në Rusi për të takuar presidentin Vladimir Putin.

Kështu ka pohuar një zëdhënës i Qeverisë austriake, sipas agjencisë së lajmeve Reuters.

“Ai po shkon atje pasi ka informuar Berlinin, Brukselin dhe presidentin ukrainas, Volodymyr Zelensky, për të inkurajuar dialogun”, tha një zëdhënës i Nehammerit.

Theksojmë se kjo është vizita e parë në Moskë e të parit të Qeverisë së Austrisë pas agresionit rus në Ukrainë.

Kujtojmë se Nehammer ishte dje (e shtunë) në kryeqytetin ukrainas, Kiev, ku u takua me presidentin Volodymyr Zelensky.

Ndryshe, Rusia ka vazhduar edhe sot me bombardime, duke shkaktuar viktima dhe dëme materiale.

 

 Të ngjashme

Përfiton pa të drejtë 10.000 euro nga “sociali”: 15 muaj burg me kusht për kosovarin

 Të tjera nga Lajme

Zbulohen mbi 18 kilogramë drogë: Arrestohen një shqiptar dhe një austriak

 E-Diaspora

 Jeta në Austri