Kanadaja fiton ndaj Afrikës së Jugut: Kualifikohet në 1/8 e finales

Duke mposhtur Afrikën e Jugut, Kanadaja është bërë kombëtarja e parë që ka siguruar një vend në 1/8 e finales së Kupës së Botës 2026. Këtë e arriti në ndeshjen që e fitoi me rezultatin 1 me 0 .

Portieri i Afrikës së Jugut u bë protagonist që në pjesën e parë, duke ndalur me pritje spektakolare goditjen me kokë të Derek Cornelius, ndërsa pak minuta më vonë reagoi në mënyrë fantastike edhe ndaj Tajon Buchanan pas një rrëmuje në zonë.

Kanadaja vazhdoi të ushtrojë presion edhe pas pushimit. Tanitoluwa Oluwaseyi humbi një rast ideal në minutën e 65-të, kur Williams fitoi duelin një për një, ndërsa Jonathan David u ndal sërish nga portieri afrikan në minutën e 78-të me një tjetër pritje brilante.

Kur dukej se ndeshja po shkonte drejt vazhdimeve, Kanadaja gjeti golin e shumëpritur në minutën e dytë shtesë.

Pas një topi të kthyer në hyrje të zonës, Stephen Eustaquio reagoi më shpejt se të gjithë dhe me një goditje të ulët mposhti më në fund Williamsin, duke vulosur fitoren 1-0.