Kalimtarët e kufirit, gjithnjë më të dhunshëm

Ka pasur raste të ikjes së ngasësve të dyshuar nga vendi i ngjarjes ose edhe të tentimit për të shkelur rojën e kufirit

Rojat e kufirit në regjionin e Bazelit kanë identifikuar më shumë potencial dhune te njerëzit që kalojnë me automjete kufirin në këtë regjion.

Sipas asaj që ata deklaruan në një konferencë për medie, ka ndodhur me dhjetëra herë që ngasësit e veturave të kenë shkelur dhe tejkaluar pengesat e vendosura për ndalimin e tyre.

Po ashtu ka pasur mjaft raste të ikjes së ngasësve të dyshuar nga vendi i ngjarjes. Ndërsa në një rast një ngasës veture ka tentuar të shkelte rojën e kufirit, njofton drs.ch.

Po ashtu në këtëe zonë kufitare gjatë vitit të kaluar janë bërë më shumë kontrabandime se viteve të kaluara.

Para së gjithash janë kontrabanduar mallra si mish, veshmbathje, stoli dhe, madje edhe kafshë të gjalla.