Zhvillim
Ju flet “Baruti”, nga godina kryevepër e arkitekturës, “Le Corbusier”
Dy artistë kanë ndërmarrë një aksion artistik, duke e shndërruar atë në një zyrë për Call Center. Dhe jo çfarëdo por një Call Center të Kosovës! Emri i aksionit artistik dhe i “zyrës” është “0800 226 113”
Pavijoni “Le Corbusier” në Cyrih është njëri ndër krijimet më impozante arkitekturore të arkitektit më të shquar të shekullit XX, zviceranit frankofon, Le Corbusier. Ky pavijon në fakt është vepra e tije fundit dhe e vetmja në Zvicrën gjermane. Ai shërben prej kohësh si objekt për mbajtjen e ekspozitave artistike.
“Le Corbusier” do t`i nënshtrohet një rinovimi dhe për këtë ai duhet të qëndrojë i mbyllur për një vit e gjysmë, shkruan teletalk.de. Por, para kësaj, për rreth dy muaj ai do të fitojë një destinim krejtësisht ndryshe: dy artistë kanë ndërmarrë një aksion interesant artistik, duke e shndërruar atë në një zyrë për Call Center. Dhe jo çfarëdo por një Call Center të Kosovës! Emri i aksionit artistik dhe i “zyrës” është “0800 226 113”, raporton albinfo.ch.
Dhe, ky numër është ai që i shfaqet në telefon secilit që e telefonojnë nga Call Center “Baruti”, me seli në Prishtinë. Ky është numër telefonik i Zvicrës por i bartur në Prishtinë. Nga ana tjetër e telefonit përgjigjet vijnë në një gjermanishte të përsosur dhe askush nuk do ta kuptojë se telefonata po i vjen nga Kosova.
Po kështu edhe gjatë dy muajve të aksionit, pjesë nga stafi i “Barutit” do të telefonojnë nga i njëjti numër, “0800 226 113” por tash nga Cyrihu, dhe sërish askush nuk do ta dijë se nga po u vjen telefonata. “Mirësevini në Call Center-in më të suksesshëm gjermanishtfolës i Kosovës”, transmeton albinfo.ch. Kështu do të prezantohen punëtorët e “Barutit”, tashmë të vendosur në njërën ndër godinat më interesante të Zvicrës dhe në pjesën më të bukur të Cyrihut, me pamjen nga liqeni.
Siç ka shkruar tashmë disa herë albinfo.ch, Call Center “Baruti” punëson shqiptarë të cilët kanë jetuar në Zvicër dhe në vendet tjera gjermanishtfolëse, të cilët, për arsye të ndryshme janë kthyer në Kosovë. Këtë biografi e ka edhe themeluesja dhe pronarja e kompanisë, Drenusha Shala.
Gjithsej do të jenë 35 punëtorë që përgjatë 9 javëve do të punojnë këtu. Dhe, me këtë aksion synohet të tërhiqet vëmendja në idenë se çfarë rëndësie ka sot, në epokën e digjitalizimit, në përgjithësi vendi ku realizohet një punë. Ose: çfarë dallimi bën një vend, një lokacion në kuptimin fizik në kohët e teknologjisë së avancuar digjitale? A nuk është bërë distanca hapësinore prej kohësh një përmasë e papërfillshme?
Në bodrumin e pavijonit ndodhet një ambient pritjeje, e hapur për të punësuarit dhe mysafirët.
“0800 226 113” qëndron e hapur nga 2 gushti deri më 1 tetor 2017.
Të tjera nga Zhvillim
E-Diaspora
-
Cyrih
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih të Zvicërs do të mbahet një koncert me datë 02.05.2024 duke filluar nga ora...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Austri
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl Përpos figurave tjera kryesore të LDK-së, i pranishëm ishte edhe vet kryetari Lumir Abdixhiku i cili...
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët