Kosova
Jeta në Prishtinë kushton, qytetarët largohen drejt vendeve të tjera
Nëse do të gjykonim nga paralelizmi me Prizrenin, atëherë banorët e Prishtinës, ‘i largohen’ kryeqytetit, ose të paktën tentojnë ta bëjnë
Jeta në Prishtinë është aq sa e pëlqyer, shpesh edhe ‘e mundimshme’, veçanërisht për shkak të çmimeve të larta.
Përveç kësaj, ashtu sikurse kryeqyteti kosovar është vendi i ‘mundësive të mëdha’, këto mundësi shoqërohen me ‘rrëmujë’ dhe ‘zhurmë’. Pas njëfarë kohe, këto të fundit mund të bëhen të papërballueshme.
Kryeqytetasit, me sa duket, janë ata që brenda për brenda Kosovës ‘lëvizin’ më shumë. Sipas Agjencisë së Statistikave të Kosovës, në vitin 2018, këta të fundit mbajnë numrin e parë në listën e qyteteve me shkallën më të lartë të migrimit kombëtar.
Gjithsej, në vitin 2018 janë larguar 1 mijë e 203 banorë nga Prishtina drejt qyteteve të tjera të Kosovës, transmeton Scan.
Por, a është ky tregues aq domethënës, duke marrë në konsideratë se në Prishtinë jetojnë më shumë se 212 mijë banorë?
Nëse e krahasojmë me Prizrenin, i cili është qyteti i dytë më i populluar në Kosovë pas Prishtinës, atëherë kuptojmë se shumë popullim, jo domosdoshmërisht do të thotë shumë migrim kombëtar, përcjell albinfo.ch.
Nëse Prishtina është e populluar nga 212 mijë e 199 banorë, Prizreni diferencohet me 21 mijë e 385 banorë më pak.
Por, sipas ASK, nga 190 mijë e 814 banorë që ka Prizreni, vetëm 394 prej tyre kanë lëvizur në qytete të tjera të Kosovës përgjatë vitit 2018. Nëse do të gjykonim nga paralelizmi me Prizrenin, atëherë banorët e Prishtinës ‘i largohen’ kryeqytetit, ose të paktën tentojnë ta bëjnë.
Kjo pasi, edhe pse nga kryeqyteti i Kosovës janë larguar 1 mijë e 203 banorë në vitin 2018, 2 mijë e 239 i janë rikthyer jetës dhe mundësive të Prishtinës. Me sa duket, ‘sindroma’ e kryeqytetit qenka përndjekëse!
Por, nga ana tjetër, ‘Prishtinalitë’ nuk renditen të parët përsa i përket emigrimit ndërkombëtar. Sipas Agjencisë së Statistikave të Kosovës, në vitin 2018 Prishtina është e 11-ta në listën e qyteteve me numrin më të lartë të emigrimit ndërkombëtar. Kjo listë kryesohet nga Gjilani, Suhareka, Malisheva, etj.
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri