Janë vjedhur dy vetura “Porshe” dhe dy “Mercedes” në Zvicër

Gjatë fundjavës janë vjedhur katër automjete luksoze, në dy garazhe në St. Gallen dhe Bronschhofen. Bëhet fjalë për dy vetura të tipit “Porshe” dhe dy “Mercedes” në vlerë prej më shumë se 100 mijë frangash zvicerane.

Autorët ishin fillimisht në aksion në St.Gallen, e më pastaj edhe në Bronschofen.

Në Bronschhofen hajnat ndërmjet të premtes dhe të shtunës kishin depërtuar nëpër dritaren e hapur në garazhin e veturave luksoze.

Hajnat kishin gjetur jo vetëm çelësat e automjeteve të tipit “Porsche Carrera” dhe “Porsche 4S.”, por edhe targat provuese të tyre.

E njëjta kishte ndodhur në një garazh tjetër në St.Gallen, ku ishin vjedhur dy “Mercedes”. Vlera totale e katër automjeteve vlerësohet të jetë disa qindra-mijëra franga.

Shansat janë të vogla për t’i gjetur katër veturat e vjedhura luksoze në Zvicër. Policia e St.Gallenit për t’i kapur hajnat ka kërkuar ndihmën e qytetarëve.