Kosova

Jakup Krasniqi ftohet nga Gjykata Speciale

E shtunë, 20 Korrik 2019 - 14:05 albinfo.ch

Edhe Jakup Krasniqi ka deklaruar në rrjetin social Facebook se është ftuar nga Gjykata Speciale. Krasniqi thotë se “ndihem i obliguar moralisht t’ju njoftoj se kam marrë ftesë nga Dhomat e Specializuara të Gjykatës Speciale në Hagë të paraqitem më 24 korrik 2019”. Krasniqi nuk ka treguar se në çfarë cilësie ka marrë ftesën nga Specialja, përcjell albinfo.ch.

Më tutje Krasniqi shprehet:

“Me besim në drejtësinë, i bindur se e vërteta është që gjatë luftës në Kosovë Serbia ka kryer gjenocid, kurse konstruktet e saj monstruoze për UÇK-në do të bien poshtë, unë do të jem atje për të dhënë kontributin tim për ndriçimin e së vërtetës historike”.