Lajme
Ish “Mister Corona” sulmohet nga mohuesit e koronavirusit në Cyrih
Ata ja nxirrnin përpara librin me titullin "Alarm i rremë i Koronës?" me autorë, shkencëtarët gjermanë. Ky libër aktualisht është bestseller në libraritë e Cyrihut dhe gjithë Zvicrës
Daniel Koch, i njohur më shumë si ish “Mister Corona” ishte mysafir në një aktivitet në Grossmünster të Cyrihut. Por mohuesit ose skeptikët e koronavirusit e “përmbysën” aktivitetin dhe e shqetësuan Koch-un aq shumë sa që ngjarja u desh të mbaronte herët.
Në këtë mbrëmje ku Daniel Koch ishte mysafir së bashku me Pastorin Christoph Sigrist, ish “Mister Corona” do të fliste për jetën e tij dhe efektet e pandemisë së koronës, shkruan “Blick”.
Me këtë rast, Koch u rrethua nga skeptikët e koronavirusit. Në veçanti ky rrethim u bë më agresiv gjatë fjalimit të Koch-ut, transmeton albinfo.ch. Dhe ata ja nxirrnin përpara librin me titullin “Alarm i rremë i Koronës?” me autorë, shkencëtarët gjermanë. Ky libër aktualisht është bestseller në libraritë e Cyrihut dhe gjithë Zvicrës.
Kur Koch e mbaroi fjalimin e tij, një mohuese e koronavirusit (Melanie Kolic) iu afrua më shumë dhe e akuzoi atë për “përhapje të gënjeshtrave për virusin”. Edhe skeptikët tjerë e ballafaquan ish-shefin e Departamentit të Sëmundjeve ngjitëse në Zyrën Federale të Shëndetit Publik me teoritë e tyre të komplotit.
Koch nuk e prishi qetësinë dhe i dëgjoi me kujdes skeptikët, përcjell albinfo.ch. Por situata po bëhej gjithnjë e më e pakëndshme pasi që skeptikët u bënë më agresivë dhe i drejtuan Koch-ut akuza të rënda. Pas kësaj, Koch vendosi të përfundonte debatin dhe iku nga salla përmes hyrjes së pasme të katedrales Grossmünster.
Daniel Koch, nga fillimi i shpërthimit të koronavirusit dhe deri në qershor ishte personi më i pranishëm në mediat zvicerane sa i përket njoftimeve lidhur me koronavirusin. Për këtë arsye ai qe bërë një lloj “ikone” për ballafaqimin me pandeminë dhe qe identifikuar si “Mister Corona”.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998