Ish-komandanti i Gardës Zvicerane dënohet për kërcënim me sharrë elektrike

Gjykata ka dënuar atë për kërcënime, akuza të rreme dhe mosbindje ndaj urdhrave zyrtarë

Një ish-komandant i Gardës Zvicerane që shërben në mbrojtje të Papës, në Vatikan, është dënuar me dhjetë muaj burgim me kusht nga Gjykata e Qarkut e Meilenit.

Në nëntor të vitit 2022 ai kishte kërcënuar ish-të dashurin e ish-partneres së tij me një sharrë elektrike me motor, në një kopsht në afërsi të liqenit të Cyrihut, transmeton albinfo.ch.

Ai kishte frikë se donte të sulmonte gruan dhe fëmijën në shtëpi. Kur ai i kishte folur atij, ish-gardisti i qe drejtuar dhe e kishte kërcënuar me sharrë elektrike.

Gjykata e Meilenit i besoi këto deklarata të ish-të dashurit, shkruan srf.ch. Sepse i akuzuari tregoi një histori krejt tjetër: nuk ishte ai, por ish i dashuri i tij që e kërcënoi me sharrë elektrike. Ai vetë mbajti vetëm një sharrë të dytë për mbrojtjen e tij.

Gjykata ka dënuar kështu personin në fjalë, i cili ka qenë pastaj ish-kreu i policisë kriminale të Glarusit, për kërcënime, akuza të rreme dhe mosbindje ndaj urdhrave zyrtarë, shkruan srf.ch.

Ai duhet t’i nënshtrohet terapisë dhe të paguajë një gjobë prej 1000 frangash.

---