Shqipëria
Inxhinieri zviceran ua mëson shqiptarëve riparimin e makinave për kafe
Seenhauser gjatë qëndrimit të tij në Shqipëri ka mësuar mësuesin e shkollës profesionale, Adriano Topuzi se si riparohet makina e kafes. “Dhe këtë e kam bërë pikërisht unë, që kurrë në jetë nuk kam pirë kafe, pasi që nuk më pëlqen”
Inxhinieri i pensionuar i makinerisë nga Hettlingeni i Cyrihut, Urs Seenhauser, ka qëndruar gjatë dhjetorit që shkoi në Shqipëri. Atje ai i ka trajnuar mësuesit e shkollës profesionale teknike në Elbasan se si riparohen makinat elektrike të kafes, shkruan blick.ch.
Inxhinieri zviceran ka qëndruar atje në kuadrin e projektit “SEC” (Senior Expert Corps ose Trupat e Ekspertëve Seniorë) që realizohet në kuadër të organizatës për zhvillim, Swisscontact, transmeton albinfo.ch. Në këto trupa që japin kontributin e tyre në gjithë botën, bëjnë pjesë rreth 700 ekspertë të pensionuar ndërsa buxheti vjetor i “SEC” është 500 mijë franga, shkruan blick.ch në serinë e prezantimit të një numri të inxhinierëve të pensionuar zviceranë të cilët japin kontributin e tyre profesional në vende të ndryshme të botës.
Seenhauser gjatë qëndrimit të tij në Shqipëri ka mësuar mësuesin e shkollës profesionale, Adriano Topuzi se si riparohet makina e kafes. “Dhe këtë e kam bërë pikërisht unë, që kurrë në jetë nuk kam pirë kafe, pasi që nuk më pëlqen”, thotë ai.
Inxhinieri i pensionuar 62 vjeçar thotë se për qëndrimin njëmujor në Shqipëri ka bërë përgatitjet përkatëse në Zvicër. “Kam shikuar filma në Youtube, kam vizatuar plane të makinave të kafes dhe kam shkruar udhëzime për riparim. Mësuesit, sidoqoftë, i ka pëlqyer kafeja”, thotë ai dhe qeshet, përcjell albinfo.ch. Adriano Topuzi do ta përcjellë te nxënësit e tij dijen e fituar nga Ursi.
“Ndihma për zhvillim kështu të bën kënaqësi. Unë përcjell tutje dijen time dhe njoh kultura të reja, të huaja”, thotë inxhinieri i cili veç tjerash ka punuar për BBC dhe për RUAG ndërsa është pensionuar në moshën 60 vjeçare.
Detyra e parë, Seenhauserin e ka dërguar në Ruandë. Në një shkollë për profesione teknike punëdore ai ka trajnuar mësuesit në sektorin e sanitarisë.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?