Infeksione në spitalet zvicerane, dorëzat me baktere

Në disa spitale zvicerane raportohet për njerëz të infektuar, sepse dorëzat e disponueshme kanë qenë të ndotura me baktere.

“Swissmedic” ka tërhequr të premten produktin nga një prodhues italian, duke thënë të jenë raste individuale me “infeksion serioze”, tha një zëdhënës. “Swissmedic” nuk ka bërë të ditur se cilat spitale janë të prekura nga infeksionet me dorëza. Në përgjithësi, ka pasur më pak se dhjetë raste.

Bakteri i identifikuar është i llojit “Burkholderia cepacia”. Këto baktere mund të shkaktojnë infeksione të rënda. Pasojat e mundshme mund të jenë edhe të rrezikshme për jetën, tha zëdhënësi, përcjell albinfo.ch.