Lajme
Indeksi gjerman i aksioneve, në nivel rekord
Investimet në aksione konsiderohen si një bast për të ardhmen. E ky bast, sipas mendimit të shumë investuesve, ka perspektivë – indeksi gjerman i aksioneve Dax arriti rekord të ri, raporton DW, përcjell Albinfo.ch.
Indeksi gjerman i aksioneve, Dax, shënoi (28.12) një rekord të ri duke arritur në deri në 13.818 pikë. Në shkurt pandemia e koronavirusit krijoi panik në bursë: atëherë 13.795 pikët e arritura brenda pak javësh ranë me 40 përqind. Vetëm ndërhyrjet masive me mbështetje financiare nga bankat e rezervave dhe qeveritë për ekonominë e prekur prej masave izoluese sollën kthesën. Me fundin e masave izoluese në shumë rajone ekonomia nisi të rimëkëmbet. Si lokomotivë konsiderohet në radhë të parë ripërtëritja në Kinë, vendi ku u shfaq për herë të parë virusi.
Analistët e Deutsche Bank shohin arsye për optimizëm. Lajmet për vaksinën javën e kaluar janë një fitore e pashembullt e shkencës. Kjo do të bëjë që të ketë një normalizim më të shpejtë të jetës së përditshme, ndryshe nga sa mendohej në fillim të pandemisë, deklaruan së fundi strategët e tregut të valutës Robin Winkler dhe George Saravelos. Ata parashikojnë, që një pjesë veçanërisht e rrezikuar e popullsisë në vendet e industrializuara deri në pranverë dhe e gjithë popullsia deri në mes të vitit 2021 do të mund të jenë imunizuar. Deri në normalizimin e jetës së përditshme dhe të jetës ekonomike investitorët i kanë shpresat ende tek ndihmat e mëtejshme të politikës. Fakti që edhe presidenti ende në post i SHBA-së Donald Trump më në fund e nënshkroi paketën koniunkturore rreth 900 miliardë dollarë të miratuar me shumicë nga Kongresi, u dha hov në fillim të javës së fundit të këtij viti tregjeve financiare. E njëjta gjë vlen edhe për paketën tregtare të Brex-it që u vendos mes Britanisë së Madhe dhe BE-së.
Ekspertët këshillojnë për maturi
Por, ka edhe zëra paralajmërues. As në javën e Krishtlindjeve situata e pandemisë në Gjermani nuk u qetësua, konstatojnë ekspertët e Commerzbank. Rënia e numrit të infeksioneve të reja ka të bëjë vetëm me pakësimin e testimeve. Numri i pacientëve nëpër spitalet gjermane, që po trajtohen me mjekësi intensive është rritur ndërkaq.
Po ashtu ekspertët këshillojnë për maturi sa i përket rritjes së vlerës së Dax-it në rekord të ri. Sipas tregtarëve të bursës, ky impuls tani mund të jetë i çastit dhe qendrueshmëria e këtij zhvillimi mbetet të shihet përgjatë vitit të ardhshëm.
Të tjera nga Lajme
E-Diaspora
-
LDK shënon 34 vjetorin e veprimtarisë në Zvicër me tubim në Gjenevë Lidhja Demokratike e Kosovës ka shënuar 34 vjetorin e veprimit të saj politik në Zvicër. “Para...
-
Një mbrëmje plot risi dhe frymëzim
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore