“In Between”, ekspozita e artistes nga Kosova Albana Ejupi, në Vjenë

Foto FB: Ambasada e Republikës së Kosovës në Austri

Në Lukas Feichtner Galerie, në Vjenë, është e hapur ekspozita personale “In Between” e artistes nga Kosova, Albana Ejupi.

Në hapjen e ekspozitës morën pjesë figura si i ngarkuari me punë në Ambasadën e Republikës së Kosovës në Austri, Albinot Bimbashi, ambasadori i Republikës së Shqipërisë në Austri, Fate Velaj, si dhe sekretarja e dytë e Ambasadës, Marigonë Vrajolli.

“Në këtë ekspozitë, Ejupi ndërthur pikturën dhe skulpturën në një dialog të vazhdueshëm mes materialitetit dhe trupit. Ajo përdor rërën e sjellë nga Kosova si element qendror të veprave të saj, si një material që bart kujtesë, origjinë dhe transformim. Kjo serie veprash quhet “In Between” sepse jeton pikërisht aty: në hapësirën mes pikturës dhe skulpturës, imazhit dhe objektit, sipërfaqes dhe formës, midis vetes dhe tjetrit”, thuhet në njoftimin nga Ambasada e Republikës së Kosovës në Austri, transmeton albinfo.at.