Humb jetën një skitar

Pasditen e të shtunës në zonën e skijimit të regjionit te Bernës, Berner Oberland, ka humbur jetën një skitar si pasojë e një aksidenti me ski.

Sipas informatave të para që ka ofruar Policia Kantonale e Bernës, viktima ka qenë nga kantoni St Gallen, bën të ditur srf.ch. Ai, pak pas orës 17 ishte duke skijuar në shtegun Lauberhornstrecke në Wengen të Bernës, kur, për shkaqe ende të panjohura ka dalë nga pista. Pastaj ai është rrëzuar në një thellësi prej rreth 20 metrash. Ndihma e parë, përkundër rianimacionit të bërë nuk ka arritur t`ia shpëtojë jetën, kështu që skitari ka vdekur në vendin e fatkeqësisë.

Po të njëjtën ditë në një regjin tjetër të sporteve dimërore, në Flumserberg, brenda dy orëve janë ndeshur në mes vete në disa raste skitarë dhe snowboarderë. Disa prej tyre kanë pësuar lëndime serioze dhe është nevojitur helikopteri i Rega-s për t`i transportuar në spital.